तंत्रज्ञानाच्या या काळात समाजमाध्यमांच्या प्रसाराचा वेग अचाट आहे; मात्र सोशल मीडिया म्हणजे काय, असे विचारले तर अनेकांना सांगता येत नाही. अशा परिस्थितीत सोशल मीडियाचे इतर माध्यमांपेक्षा असलेले वेगळेपण, त्याची वैशिष्ट्ये, सोशल मीडियावरील आशयाची विविधता, हे माध्यम नेमके कसे वापरावे आदी मुद्द्यांबद्दल योगेश बोराटे यांनी ‘सोशल मीडिया’ या पुस्तकातून मार्गदर्शन केले आहे. सोशल मीडियासंबंधी नवी दृष्टी व नवे भान या पुस्तकातून देण्याचा प्रयत्न करण्यात आला आहे. सोशल मीडिया समजून घेऊन त्याचा प्रभावी उपयोग कसा करायचा, हे या पुस्तकात सोप्या भाषेत समजावून सांगितले आहे. सोशल मीडियाचे वर्गीकरण, वैयक्तिक पातळीवरील फायदे व त्याचे दुष्परिणामही सांगितले आहेत. ‘सिक्स डिग्रीज डॉट कॉम’, ‘फ्रेंडेस्टर’, ‘हाय फाइव्ह’, ‘ऑर्कुट’, ‘फेसबुक’, ‘लिंक्डइन’ अशा सोशल मीडियाच्या विविध व्यासपीठांची ओळख करून देऊन त्यांचा दैनंदिन वापर, सामाजिक चळवळी व राजकीय वापर कसा केला जातो, हे यात नमूद करण्यात आले आहे. फेसबुक, ट्विटर, इन्स्टाग्राम आणि यू-ट्यूबचे जग यातून उलगडण्यात आले आहे.
पुस्तक : सोशल मीडिया
लेखक : योगेश बोराटे
प्रकाशन : अथर्व पब्लिकेशन्स, जळगाव
पृष्ठे : १२६
मूल्य : १५० रुपये
(‘सोशल मीडिया’ हे पुस्तक ‘बुकगंगा डॉट कॉम’वरून थेट घरपोच मागविण्यासाठी खालील लिंकवर क्लिक करा.)